لو معاك طاقية الإخفاء جاوب على الأسئلة دى
مين اللى هتضربه على وشه بالقلم من غير ما يشوفك؟
المدير بتاعى فى شركة اتصالات مصر لأنه مبيفهمش حاجة فى المبيعات
مين اللى هتديله بوسة فى جبينه؟
أمى
مين اللى هتدخل بيته وتعرف هو عايش ازاى ؟
مبارك يمكن اعرف الفلوس دى بتروح فين
ولو سرقت هتسرق ايه؟
الواحد مش هيعرف يسرق بنوك برضة حتى لو لابس طاقية الإخفاء بس هأحاول أسرق خزنة احمد عز
وهتعمل ايه بالحاجات اللى هتسرقها ؟
أكيد مش هعمل فيه روبن هود وهوزعها كلها على الفقراء بس أكيد هعمل من ضمن اللى هسرقه مشروع خيرى ممكن مستشفى نظيفة
ومين اللى هتدخل بيته وتحطله فلوس فى الدولاب؟
كل أصحابى
و هتخبط على بيته وتسيبله فلوس قدام الباب؟
أكيد كل اللى عرفتهم وكانوا كويسين معايا
ومين الست اللى هتبص عليها وهى بتستحمى؟
هى هتبقى واحدة بس
مين البنى ادم اللى تبقى عايز تشنكله فى الشارع وهو ماشى؟
كل واحد عذب الشعب ده وزير وزير ومسئول مسئول، نفر نفر
و تضربه على قفاه نوع من انواع الذل علشان متغاظ منه؟
نوال السعداوى - إقبال بركة- إيناس الدغيدى وأمثالهم
وايه هى الاماكن اللى هتدخلها وماكنش ينفع تدخلها ابدا لما كنت مرئى؟
أى مكان مينفعش أدخله وبالذات مبنى المخابرات بحدائق القبة عشان أشوف زى ما نبيل فاروق كان بيقول ولا لأ
مين الانسان اللى هتحضنه وهو مش عارف مين اللى بيحضنه؟
حبيبتى الوحيدة اللى حبيتها وسابتنى أو سبتها مش هتفرق كتير
وأخيرا لو معاك طاقية الإخفاء هتعمل ايه؟ منتظر تعليقاتكم
