أنشودة الطير المسافر
قد آن للطير المسافر
أن يستريحْ
يغدو فيلقى ثقله بغياهب الكون الفسيح
ويروح يبحث فى فضاء الله
عن معنى الأمل معنى الحياةْ
ويظل يبحث ثم يبحث
فى فضاء الكون
فى صفحة البحر العميق
فوق أغصان الشجرْ
فيما تسطره الأنامل من سفاهات البشرْ
يمضى تحيط به الرياح تخيفه
تنزعْ يقين القلب منه تعيقهُ
تجعله طيرًا مستباحْ
فيطلّ فى سِفر الوجود فلا يرى
غير ابتسامات الجمودْ
وقد محت فى قسوةٍ
أوراق يسطرها الخلودْ
يمضى فيبحث فى عيون الماء
عن قطرات حبٍ أو حنانْ
عن كِسرةٍ للودّ تمنحه شعورًا بالأمانْ
يمضى تمرّ به السنونْ
يأتى المساءْ
يسمع صراخ الليل فالليل جريحْ
فيخاف يبحث عن أمان فلا يرى
نوع العرضحال: شعر
funckydoctor said...
يبحث عن أمل فلا يجد الا ابتسامة الموت القبيح
ياااه حلوة قوى الجملة ده
بس فيها شوية بوءس
أحييك على مدونتك
14 June, 2008 11:43
nonoymm said...
السلام عليكم
هي تاليف حضرتك
؟؟؟؟
جميل اوي تسلم يديك
تحياتي
14 June, 2008 16:05
همسات دافئه said...
يمضى فيبحث فى عيون الماء
عن قطرات حبٍ أو حنانْ
عن كِسرةٍ للودّ تمنحه شعورًا بالأمانْ
ياااااااه أد ايه المعنى ده جميييل حتى لو ملقاهوش كفايه ان جواه الأمل انه يلاقيه
المعنى جميل اوى
تحياتى ليك
شيماء:)
14 June, 2008 16:10
Bongo said...
السلام عليكم
اخيييرا خلصنا أمتحانات و ان شاء الله نرجع نتابع البوستس تاني
بالنسبة للبوست
فالطير معذور
اكيد صعب يشوف اي امل في الأفق من ضباب الكآبة اللي واخد الأغلبية العظمي من الفضاء !!!
ربنا يقوي الطير و يقوينا
14 June, 2008 16:11
zOzO said...
يمضى فيبحث فى عيون الماء
عن قطرات حبٍ أو حنانْ
عجبتني الجمله دي
ده بيدل انه فعلا محتاج حب ومحتاج حد يفهمه
يفهمه صح
حب بجد
كمان يبحث عن امل فلا يجد الا ابتسامه الموت القبيح
حلوه برده
بوست حلو
دمت مبدع
14 June, 2008 16:40
فاتيما said...
كلنا هذا الطير المستباح
الله ينور عليك يا أيمن
14 June, 2008 18:13
ayman badr said...
فانكى دكتور
اكيد هتيجى السعادة منين عمالين ندور عليها طول حياتنا بس فى الاخر لا تجد غير ابتسام الموت ذى الوجه القبيح
شكرا على اول زيارة واتمنى المتابعة
=====================================
nonoymm
كل حاجة فى المدونة هنا من تأليفى وشكرا على الاطراء الجميل ده
=====================================
همسات دافئة
المشكلة بعد كل الرحلة دى مبيلاقيش الامل بيلاقى الالم
شكرا على الزيارة
===================================
بونجو
اخيرا التوأم ظهروا تانى ربنا يوفقكم فى الامتحانات يا بونجو انتى ويوكى ويوفقنا احنا كمان وان شاء الله عرفت المدونة التانية وعاوزين بوستات جديدة تعوض اللى فات
تحياتى
==================================
زوزو
شكرا يا زوزو على الاطراء بس انا عاوز اسمع رأيك ده واسمع اعمالك وكتاباتك فى اللقاء ان شاء الله يوم 30 وملكيش عذر لعدم الحضور
سلام
==================================
فاتيما
اهلا ام يوسف شرفتينى بالزيارة احنا فعلا من زمان طيور مستباحة
=================================
تحياتى لكل اللى علقوا ومستنى آراء اللى معلقوش
سلام
14 June, 2008 20:49
الفارس الملثم said...
تعبيرات جميله اوي يا ايمن , ومعاني رائعه وان كانت حزينه
يبدو ان بعضنا قلوبه صارت مثل طائرك يظل يحلق ويبحث عبثا فلا يجد غير سراب فيسقط من فرط الاعياء والتعب والاحباط
تحياتي
محمد
14 June, 2008 21:29
رحــــيـل said...
رحله البحث لن تنتهى
تقريبا هنفضل طول عمرنا ندور
مش عارفه هى المشكله ان احنا مش عارفين بندور على ايه بالظبط؟
ولا عارفين والقدر بيعاندنا؟
شئ غريب جدا
حيره ضياع احساس بقفدان للامل
خوف حتى من احنا نحلم
فيطلّ فى سِفر الوجود فلا يرى غير ابتسامات الجمودْ وقد محت فى قوةٍ أوراق سطرها الخلودْ
هل سيأتى حقا اوان للطير المسافر كى يستريح؟
كلمات جمية بجد
قلبت عليه المواجع وانت عارف اان مابصدق
14 June, 2008 21:32
بطوط حبوب said...
فيخاف يبحث عن أمان فلا يرى
غير ابتسام الموتِ ذى الوجه القبيحْ
ختمه ماساويه صعب على شخصيه متفائله لدرجه الهبل زيى انها تقبلها
بس الكلمات روعه بجد
وصدقنى حتى لو الموت جه فكفايه ان الطائر ده هيموت وهو مبتسم
بمكن ابتسامه اكبر من ابتسامه الموت نفسه
14 June, 2008 23:09
طارق الغنام said...
يأتى المساءْ
يسمع صراخ الليل فالليل جريحْ
فيخاف يبحث عن أمان فلا يرى
غير ابتسام الموتِ ذى الوجه القبيحْ
الله عليك يااخى وعلى كلماتك الرائعة
كنت فقط اتمنى ان يكون فيها الامل
دمت رائعا كعادتك
تقبل تحياتى
ودمت بحفظ الله
14 June, 2008 23:42
الإتربي اللولبي said...
هاعلق لك عليها بيني و بينك
بالنسبه لل15 مليون للعلم بالشئ نصهم دخل في جيب المغفور له مصطفي السعدني
و سلم لي على " قشور السخافه "
15 June, 2008 02:38
أنا من كنت محتاجاً said...
أنشودة جميلة بالفعل .... أحييك بكل حرارة لأنها بالفعل للطير المسافر
شكرً
15 June, 2008 04:11
appy said...
حلوة قوى بالفصحى دى يا ايمن بجد
بس الامل موجود جوانا
بس بجد على الرغم من قسوتها بس هاديه
15 June, 2008 15:36
مواطن مصرى نايم said...
جميلة جدا
يا ايمون
بجد رائعة
تحياتى ليك يا باشا
15 June, 2008 18:58
واحد من البلد دى said...
السلام عليكم
المعانى قوية جدا
وتوظيف الألفاظ صحيح
يعنى بصراحة
حلوة خالص
ربنا يبارك لك فى موهبتك
لكن حاول تكتب أشعار
لأنتقاد أفعال معينة أو لأستنكار حال البلاد و العباد
دمت بكل خير
ملحوظة-لقد قبلتنى بعض الصعوبات فى الوزن..لعله خطأى..ولكن حاول أن تنظم القصيدة ليسهل على القارئ وزنها وهو يقرأها...فليس كل من يقرأ الشعر يكتبه
تقبل مرورى
15 June, 2008 20:19
Anonymous said...
كلمات اكثر من رائعة
بالتوفيق
15 June, 2008 23:11
ياسر حسين said...
كلام جميل يحمل معاني عميقة
:)
خالص تحياتي
16 June, 2008 09:27
ayman badr said...
الفارس الملثم
فعلا يا محمد ناس كتير قوى زى الطائر ده ومش عارفين يرسوا على بر
====================================
رحيل
شكرا يا سارة واكيد انتى بتصدقى فعلا وهتطيرى علاطول
=====================================
بطوط حبوب
متقلقش يا محمود المرة الجاية هيبقى بوست فرفشة كده مفيهوش نكد.. حبة كده وحبة كده
==================================
طارق الغنام
الأمل موجود دايما بس الواحد من حين لآخر لازم يطلع الشحنة اللى جواه وعلى رأى أمل دنقل: "الشعر هو البديل الوحيد للانتحار"
بس احنا عاوزين الشعر من غير الانتحار
===================================
الاتربى اللولبى
هستنى تعليقك عليها بينى وبينك وطبعا لازم يكون نصيب الاسد فى جيبه طبعا
==================================
أنا من كنت محتاجا
شكرا على الزيارة والإطراء
==================================
آبى وكوكبها
شكرا يا آبى على الزيارة وشكرا على رأيك الجميل
==================================
مواطن مصرى نائم
شكرا يا باشا وشرفتنى طبعا والف مبروك على انتهاء الامتحانات
==================================
واحد من البلد دى
شكرا على الزيارة واكيد ليه اعمال فيها هموم البلد ولو حضرتك قرات القصيدة تانى هتكتشف ده
وشكرا على النصيحة
==================================
Anonymous
شكرا على الاطراء ده والاستحسان
==================================
ياسر حسين
شكرا يا فنان ويا رب يوفقنا كلنا
شكرا ليكم جميعا
تحياتى
17 June, 2008 21:30
Noha El-arabi said...
جميلة يا ايمن عن حق
الله ينور
مش عارفة ليه شفت نفسي في الطائر ده
17 June, 2008 22:30
dodda said...
يمضى فيبحث فى عيون الماء
عن قطرات حب اوحنان!!!
اولى به ان يجدها هناك فما عاد لهما وجود فى عيون البشر
انشوده جميله حزينه
19 June, 2008 00:58
ayar said...
ليه كدا يا ايمن .. القصة مؤثرة جدا خلتنى اعيط .. حسيت انى انا الطائر دا .. واتضايقت لما مات .. اكيد انت كان عندك حالة اكتئاب وانت بتكتب البوست دا صح؟!
19 June, 2008 11:58
ayman badr said...
نهى العربى
شكرا يا نهى وانا برضة وانا بكتبها كنت هذا الطائر
====================================
دودا هانم
عندك حق لم يعد لهما وجود فى عيون البشر
شكرا على الزيارة
====================================
أيار
شكرا على الزيارة الاولى بس مكنش عندى اكتئاب بس شفت مشوار حياتى يمر قدامى ساعتها فكتبت القصيدة دى
تحياتى
19 June, 2008 21:53
maha zein said...
اقولك احساسي في الشعر ده
بصياغته ومعناه
وطريقة كتابتك ليه
حسستني
انه ينفع بجد ينزل في كتاب النصوصو للصف الثالث الاعدادي مثلا
يعني حلو بيفكرني بما كتب احمد شوقي
ووضع في المناهج الدراسية
تحياتي
انا كده بمدح علي فكرة لا تفكر اني قصدي مش تمام
يعني لا تقول مناهج دراسية ايه وغلب ايه
20 June, 2008 19:25
ayman badr said...
مها زين
ده طبعا شرف ليا إن القصيدة عجبتك واتشرف برضة إن القصيدة تبقى فى المناهج الدراسية بغض النظر عن الوضع الحالى
شكرا على الزيارة ومتغيبيش علينا كتير
تحياتى
21 June, 2008 11:41
دعوة للأمل said...
القصيدة جميلة جدا و ربنا يوفقك
05 July, 2008 20:07