المشهد الثانى
| (شاب يسير فى الشارع ويرتدى بنطلون جينز نيجر لا يصل إلى وسطه ويلبس سلسلة ذهبية فى رقبته.. ويصطدم برجل ملتحى) | |||
| الشاب | : | مش تفتح يا شيخ |
|
| الرجل | : | يا بنى أنت اللى مش ماشى على بعضك |
|
| الشاب | : | وأنت مالك يا عم |
|
| الرجل | : | يا بنى اللى أنت بتعمله ده حرام وايه البنطلون اللى نازل من وسطك ده |
|
| الشاب | : | دى حرية شخصية.. أنا حر |
|
| الرجل | : | (متصنعا التقوى) أنت حر ما لم تضر |
|
| الشاب | : | يا عم اطلع من نافوخى |
|
| الرجل | : | أنا يا بنى بكلمك بالحسنى عشان أصلحك |
|
| الشاب | : | يا عم أنا عارف مصلحتى كويس |
|
| الرجل | : | هوّ ايه انت بتجادل وخلاص |
|
| الشاب | : | يا عم روح احلق دقنك دى اللى عاملة زى المقشة |
|
| الرجل | : | أما أنت قليل الأدب وناقص رباية |
|
| الشاب | : | أنا قليل الأدب يا ابن... |
|
| الرجل | : | (يصفعه الرجل) بدل ما تقل أدبك على الناس شد الحزام على وسطك |
|
| الشاب | : | (بانكسار) الدين مبيقولش تعملوا فينا كده |
|
| الرجل | : | (بحدة) الدين مش لأمثالك |
|
| (صوت سارينة عربة الشرطة يقترب تدريجيا..يدخل ضابط واثنان من المخبرين) |
| ||
| الضابط | : | (موجها كلامه للرجل) فين بطاقتك؟ |
|
| الرجل | : | (بنفس الحدة) مش معايا بطاقة |
|
| الضابط | : | نعم يا روح أمك |
|
| الرجل | : | (بهدوء) ليه يا فندم الغلط |
|
| الضابط | | وايه الدقن اللى شبه المقشة دى |
|
| الرجل | | ربنا يسامحك |
|
| الضابط | | (يصفعه الضابط) ربنا هيسامحنى غصب عن عين أهلك (للمخبرين) خدوه احلقوا له دقنه عشان ميعملش فيها شيخ مرة تانية |
|
| ستــــــار |
| ||
المشهد الأول
(شاب يسير فى طرقة مستشفى الأمراض العصبية زائرًا ويدخل حجرة فيجد أشخاص يرتدى كل واحد فيهم حزام سيارة ويقودون سيارات وهمية، وفى الخلفية صوت أغنية "شد الحزام على وسطك" لسيد درويش) | ||||
| الشاب |
| : | (متعجبا) هما دول مجانين ولا ايه |
|
| الرجل |
| : | (متوقفا فجأة) بييب بييب.. ما تفتّح يا أخ |
|
| الشاب |
| : | (بسخرية) ايه يا عم اخبطنا بقى |
|
| الرجل |
| : | وأنت ايه اللى ممشيك من غير حزام..أنت لو لابس حزام مكنتش هتخاف تتخبط |
|
| الشاب |
| : | أنا مش راكب عربية أساسا ومبعرفش أسوق |
|
| الرجل |
| : | يعنى مبتعرفش تسوق ومش لابس حزام كمان |
|
| الشاب |
| : | حزام ايه! |
|
| الرجل |
| : | حزام الأمان بتاع العربية |
|
| الشاب |
| : | أنتم كمان ملتزمين بيه هنا |
|
| الرجل |
| : | طبعا إحنا بنحب النظام |
|
| الشاب |
| : | المسألة مش مسألة نظام |
|
| الرجل |
| : | لأ النظام مبيزعلش حد |
|
| الشاب |
| : | (باستغراب) هو قانون المرور الجديد وصل لمستشفى المجانين كمان، بس القانون ده مش لتطبيق النظام |
|
| الرجل |
| : | أمال ليه؟ |
|
| الشاب |
| : | لأنه ببساطة سبوبة جديدة عشان تجيب فلوس |
|
| الرجل |
| : | بس ده عشان النظام وتنظيم المرور |
|
| الشاب |
| : | نظام ايه.. يا عم صلّى أنت مش عايش فى الدنيا؟ |
|
| الرجل |
| : | (صارخا) لأ عشان النظام..أنت شكلك مبتحبش النظام |
|
| الشاب |
| : | اسمعنى بس.... |
|
| الرجل |
| : | (يقود فى الاتجاه المعاكس ويتجاهله) بيييييب بيييب |
|
| |
| |||
| ستــار
يتبع......،
|
| |||
