عرضحالجى

الحمد لله انى جيت بدرى

انت فعلا عندك حق فى المثل ده وممكن كمان نقول خدوهم بالعلاوة ليغلبوكم بدل خدوهم بالصوت
طب ما انهارده فى علاوة مثلا 10% بكرة هتلاقى كل حاجة زادت 30% يبقى عملنا ايه
طب العلاوة دى للموظف علشان غلاء المعيشة طب والناس اللى على باب الله واللى مش لاقيين شغل واللى عايشين اليوم بيومه دول مش مكويين بالغلا برضه
ولا علشان دول معندهومش شغل يضربوا عنه اصلا؟؟

دة احنا باين علينا كلنا

هناكل الحلاوة

بشرى سارة الى رواد المدونات المخنوقين


لو مخنوق او عندك مشكلة اتفضل فضفض هنا علي الميل ده بميل مستعار ومن غير ذكر اسمك لو تحب وهنعرض مشكلتك علي مدونة اقلع همومك الي هيتم تفعيلها بعد نزول اول مشكلة فيها وهنخلي الناس تقول رأيها فى مشكلتك.
وهنستعين بأراء متخصصين اذا لزم الامر ...
استشير غيرك وشوف راى الناس ايه
راسلنا واكتب كانك بتكلم روحك محدش هيعرف انت مين
و الايميل هو
fadfad.here@yahoo.com او ادخل اعرف اكتر من مدونة انها الحياه http://www.enahaelhaya.blogspot.com
او من مدونة نورانيات

http://45days-repentance.blogspot.com/

ساهم في التخفيف عن غيرك بتعليقك علي مشكلته وايجاد حلول لها
من فرج عن مسلم كربة فرج الله عنه كربة من كرب يوم القيامة
او حتي خفف عن نفسك
يلا سارع عشان تفوز بلقب اول مشكلة في المدونة
انشرها لعلك تكون سببا في التفريج عن غيرك

هههههههههه لا الهى الكلب بعضمه صدقنى دى وجهه نظره واسفه انى بقولها بس دىة تفكيره

طبعا النهارده 4 / 5 يوم الإضراب المزعوم رقم 2 ..بمعنى ان ما حصلش إضراب أصلا عشان سيادته يرفع العلاوة ل 30 % ... ده مش عشان الإضراب .. ده عشان سيادته تعطف و تكرم و لقي الشعب بقاله كتير معفن .. فحب يحميه و يليف له ..... ضهره ..

و طبعا كل واحد معفن افتكر انه بكده لقي مصباح علاء الدين .. و انه دعك ....... المصباح و الفلوس دي جت ف وقتها ...

و الله العظيم هاتموتوا يا ....... معفنين

طيب والعالم الجعانة أمثالنا اللي بيشتغلوا في قطاع خاص ... نعملوا إيه؟؟

لنا الله والله

رمولنا عضمة اعزك الله واتني يوم نهشوا لحمن وحسبي الله ونعم الوكيل دعيت ربنا يفرج همنا وانا في شدتي يارب يسمع منا
ويختشوا على دمهم بئا
تحياتي

أيوه.. أنا أخويا قرالى جمل م المقال ده
أنت اللى غلطان - وأخويا كمان.. ليه تجيب الجرايد وتقراها لما ممكن ماتجيبهاش منعاً للحمى والشلل والأمراض التانيه الكتيره؟؟؟
طب ماكفايه اللى احنا عايشينه كل يوم

اسف يا جماعة على التأخير فى التعليق عليكم أو عندكم لأنى كنت مضغوط قوى فى الشغل أعذرونى وهتابع من النهاردة إن شاء الله
====================================


اهو ده عيبه
شرفتى المدونة ومبسوط انها اول تعليق 10 من 30 سينا من سونيا معدتش فارقة وكلنا مكويين بالغلا موظفين عام أو خاص او عاطلين
=====================================
الساحرة
اكيد كلنا كلناها
تحياتى
==================================
مها زين
انتى جاية تعلنى هنا ولا ايه على العموم فكرة جميلة واحنا معاكى وعلى فكرة مش هتلاحقى لأن المشاكل أكتر من الناس فى زمننا ده
==================================
appy
وجهة نظر عجبانى وتنفع مانشيت والله
انتى لخصتى اللى أنا أقوله فى جملة واحدة
==================================
الأتربى اللولبى
طبعا معاك كلنا معفنين وهيحمونا ان شاء الله
==================================
أنا من كنت محتاجا
يا عم ما احنا فى القطاع الخاص خدنا ايه برضة هى العضمة اللى خدناها برضة على رأى آبى
==================================
nonoymm
آمين يا رب
=================================
هبة المنصورى
استفزنى جدا المقال ده وقلت اصل هى ناقصة علاوة على الورق وهجص على الورق.. الورق هيستحمل ايه ولا ايه؟

تحياتى لكم جميعا واعذرونى مرة تانية اليومين دول امتحانات تربوى وشغلى كمان واخدين كل وقتى
شكرا

هوا احنا شعب بتاع مصلحه وبس؟؟
يا ترى احنا بنخاف على بطننا وننفض لعقوولنا؟؟
يا ترى احنا شعب سلبى اساسا ولا احنا اللى اتعلمنا الذل فى اخر 26 سنه اللى فاتوا ؟؟
معرفش بس اعرف ان القيود دى مش هيكسرها غير مارد عملاق اسمه الشباب

يا عرضحالجي لو تعرف تيجي يوم الخميس حفل توقيع مدونات مصرية للجيب
عموما مدونين كتير هيكونوا هناك
اعرف التفاصيل من مدونة انكسارات او مونتي
يا ريت تيجوا
ونتجمع
وفين البوستات الجديدة
انت خلاص وقفت علي بنحبك يا ريس

ان جيت للحق النااس من قوة المفاجأة مبقووش عارفيين يقولوا حاجة خاص ياعينى اتخرسووا


انا شوفت المقال اللى انت بتقوول علية دة بثراحة بس نفسة ماجابتنيش اقراة خاالص

تحياتى لييك

فينك من زماان مستنيااك عندى

sasatifa
يا باشا الشباب مصطلح قديم اصطلح عليه كابر السن لتعليق اخطائهم وآمالهم عليه لو كنا شباب وخلافه
اما الشباب دلوقتى نوعين:
نوع منفض للكون وضاربها صرمة ومقضيها مخدرات ومعاكسات والشريط الجديد لفلان والانسيال والحظاظة
او نوع حارق دمه وباحح صوته على الفاضى ولا حياة لمن تنادى
يبقى المفروض مجمع اللغة يلغى المصطلح ده من المعجم الكبير ويخليها الكباب احسن خلى الناس تنبسط
سعيد بزيارتك معلش طولت عليك
==================================
مها زين
ازيك عاملة ايه
المشكلة شغلى اليومين دول واخد كل وقتى ومضغوط قوى فربنا يسهل يمكن اعرف آجى ويمكن لأ وقريب فيه بوستات جديدة غن شاء الله بس لما افضى شوية
تحياتى
==================================
دعاء مواجهات
انا عصرت على نفسى كيلو ليمون عشان أقرا المقال ده وبعدين قريته اكتر من مرة قلت يمكن الراجل ده بيسخر وعامل الذم فى صيغة المدح لككن لقيت فى عموده فى آخر صفحة بيصدق على كلامه
فقلت الراجل ده اكيد من بلاد الواق واق
==================================
تحياتى لكم جميعا وشجعتونى والله على الكتابة وإن شاء الله هدخل عندكم النهاردة واشوف الجديد واعلق
سلام

متزعلش يا ايمن
احنا متفقين من الأول ان انا خيخة
وليس على الخيخة حرج

سلام يا جميل
اختك خيخة

انت عارف يا ايمن انا قريت فعلا مقال عم قط ده , اللي واضح انه اسم علي مسمي , وحسيت ان مراراتي خلاص من حجم النفاق اللي في المقال ده..

ياه هو في نفاق كده , يعني عاوز تنافق ماشي بس مش بالدرجاتي ..

وللاسف الناس بلغت الطعم قصدي العلاوة وقبل ما يهضموها الحكومه بعتتلهم الفواتير "الزياده في اسعار البنزين " اكتر من الزياده نفسها ..

وطبعا انقول ايه غير ربنا يعمر بيتك يا ريس

تحياتي
محمد

أحلي عنوان من أجدع عرضحالجي
هو ده سبب العلاوة
ولو ان الشعب كان مفروض يعمل إضراب عن العلاوة دي كمان

طيب اا كنت نسيت الحلاوة وحلفت ميت تييييييييييت انى مش هدخلها البيت اصلا بتفكرنى ليه هااااااا غاوى وجع قلب يا ساتر عليك

بنت خيخة
أنا مقدرش أزعل من أختى أم شريف دى كانت قرصتنى فى اللباليب
وإن شاء الله تجيبى شريف يوم الخميس فى حفل توقيع مدونات مصرية للجيب عشان أشوفه
سلام
====================================
الفارس الملثم
آمين يا محمد والله كلنا بندعى بقلب رجل واحد نفس الدعوة ربنا يعمر بيته
تحياتى
====================================
حماتى ملاك
والله عندك حق المفروض نضرب عن العلاوة كمان بس المشكلة هيلغوها والأسعار هتفضل زى ما هى فى الأرض طبعا
شكرا على الزيارة
==================================
appy
آبى وكوكبها المزعج اللى جالى فيه شكاوى كتير لأ أنا شكلى هحاوطه بكام عربية أمن مركزى وكام دبابة عشان أشوف مشكلته ايه وطبعا إن كنت ناسى أفكرك ياما كان علاوتى بتسهرك
شكرا على الزيارة وسلام ليكم جميعا

وياريت تحاولوا تيجوا يوم الخميس عشان نتعرف اكتر

من يومي وانا وياكم
تعبان وشايل الهم معاكم
أبني وعمر
اخضر صحرا
لجل عيونكم
وطيبة قلبوكم
وتجيوا تقولوا نعمل مظهره
بقي دي اخرتها بعد العشرة
خسارة فيكم اكون ليكم

عمو عرضحالجي مساء الخير أنا قلت أجي أحي بس

hard times
شكرا على التحية يا مصطفى باشا ويا رب دايما وانا هدخل مدونتك النهاردة بالليل عشان اقرأ كل البوستات انا سايبك للآخر عشان كده لانها شكلها مدونة من العيار الثقيل
شكرا على زيارتك
تحياتى