Movie review score
5
أجلس على طاولتى أمامى اوراقى وأقلامى، أتأمل قلم رصاص وقلم حبر أمعن النظر فيهما... أسمعهما يتهامسان. فيقول القلم الحبر: أنا القدر.. لا أمُحى وإن حاولت محوى أفسدتَ أوراق الحياة فلا تجدى نفعا بعد ذلك.
القلم الرصاص: وأنا إرادة الاختيار.. إذا كتبت محوتُ أو استرسلت، أكملتُ أو توقفت، منحتُ فرصة الاختيار.
القلم الحبر: لا شىء يقف أمام قدرتى -قدرة القدر- فالقدر كالعاصفة لا يقدر أحد على ردها.
القلم الرصاص: إذا اخترت بيتا ذا أساس متين تغلبت عليها.
القلم الحبر: أنا كالشلال الهادر لا تقدر على مواجهتى أقوى السفن.
القلم الرصاص: أبنى لك مركبا من شدة، دفته الإرادة، وهيكله حب الحياة.
القلم الحبر (بغضب): أنا الأفضل.
القلم الرصاص: أنا الأفضل.
أفيق من تأملى وانظر مليا إلى الأقلام امامى، أفرك عينىّ جيدا.. ألتقط قلما - لم أعرف نوعه- وبدأت أخط بخط النسخ: (نون والقلم وما يسطرون
طبعاً محاورة فلسفية لا جدال على روعتها وعمقها النفسي والأدبي ..
وما أكثر الأقلام بين البشر .. فيهم الرصاص ، وفيهم الحبر ..
أعجبني أكثر اختيارك للقلم الذي كتبت به في الأخر :
لم أعرف نوعه
حبكة درامية رائعة يا صديقي ..
أحييك بجد!
حوار بليغ لرسالة واضحة
وذكرتنى بهذا الدعاء"اللهم ان كنت كتبتى عندك فى ام الكتاب شقيا او محروما او مطرودا او مقترا على فى الرزق فامحوا اللهم شقاوتى وطردى وحرمانى والاقتار فى رزقى فانك قلت وقولك الحق فى كتابك المرسل على سيد المرسلين"ويمحوا مايشاء ويثبت وعنده أم الكتاب"
بالتوفيق دائما
عرين الغضب- وائل
شكرا على محاولة تاويل النص الرائعة والزيارة الأروع وبتاويلك ده اديت للنص بعد تانى وتأويل تانى غير اللى فى دماغى وده أسعدنى جدا
تحياتى
=====================================
موناليزا
شكرا على الزيارة وآمين يا رب
هذه خاطرة حلوة
احييك عليها
أول حاجه جت على بالى وأنا باسمع حوار القلمين الرصاص والحبر دول هى رباعية جاهين
لا تجبر الإنسان ولا تخيره
يكفيه مافيه من عقل بيحيره
اللى النهارده بيطلبه ويشتهيه
هو اللى بكرة هيشتهى يغيره
عجبى!
الكارثه بقى لما تختار قلم تالت لاهو رصاص ولا حبر وبعدها تشتهى تغيره.. ممكن يكون جيل جليتر ولو ماعجبكش اللى كتبته بيه هتجيب اتنين تلاته من نفس اللون وتبدأ تضيع الحروف بنفس مية اللون
أنا متهيألى الواحد لو محتار أوى كده مايكتبش من أصله.. يستنى لما يقتنع تمام الإقتناع بنوعية القلم وحتى بالفكرة قبل ماتتحط ع الورق
مصطفى ريان
شكرا يا باشا دى أقل حاجة عندى -شوية غرور بقى-
شكرا على الزيارة
تحياتى
=====================================
هبة المنصورى
جميل قوى إنك وصلتى لفكرة القصة وجميل قوى كلمتك: "يستنى لما يقتنع تمام الإقتناع بنوعية القلم وحتى بالفكرة قبل ماتتحط ع الورق"
شكرا وتحياتى
اخى الحبيب
قصة رائعة وذو هدف رائع
وتملك توصيل افكارك بمنتهى الروعة
تقبل تحياتى
واتمنى التواصل
ودمت بود
اسلوبك حلو اوى.. وبتعرف توصل اللى انت عاوزه بسهوله ماشاء الله عليك
طارق الغنام
شكرا على الزيارة والإطراء ده
تحياتى
=====================================
داكتورة نوسة
شكرا جزيلا يا جماعة مش عارف يعنى اعمل ايه انا كده هتغر جامد
وشكرا على ذوقكم فى التعليق
تحياتى
تأمل جميل أوي :) ومحاورة روعتها في بساطتها
تحياتي :) وسعيد لأني شفتك إمبارح
أتمني تتكرر تاني :)
وليا مرور متكرر بإذن الله..ممكن أثناء الأمتحانات وأكيد بعدها
والسلام ختام
شكرا لإمتاعي شاعرا أو قاصا
سلام عليكم
ضياء
شكرا على زيارتك وتعليقك وانا اسعد بالتعارف عليك امبارح فى الحفل
تحياتى
=================================
الاتربى اللولبى
حامد حبيب قلبى على فكرة اشرف بيسلم عليك قوى ومبلغنى السلام للناس كلها وكان نفسى تيجى بس يللا ملحوقة
تحياتى
عجبني الحوار ده بين القلمين
ياريت الحفلة الجاية أشوفك ده شيء يسعدني
قلمين يكمل كل منها الاخر
فلا تستطيع ان تسغني عن الاخر
تحياتي لك صدقي العزيز والذي اسعدني اني التقيت به
اسلبوك رائع
تقبل تحياتي
ده اختلاف الناس ودايما محاولتهم لاثبات ان كل واحد افضل من التانى
بس بجد عرضتها بحكمه وكلام حلو قوى
خسارة انى مش شوفتك فى الحفله بس تتعوض ان شاء الله
للأسف انا جيت وكنت عمالة اصور وكنت لبسة ازرق خسارة اني مشفتكش
مع انك المفروض كنت بلذت مجهود فى البحث عنى
يلا حسن الختام
هحاوول انزل الصصور فى المدنة يمكن تعرفني وتقول ايون هي دي البنت الرخمة الي اديتني كوع وانا واقف في الزحمة
يلا تتعوض مرة تانية
المفقوعة مرارتها
ده شىء يسعدنى أكتر وإن شاء الله هاجى وارخم عليكى واقولك انتى المفقوعة مرارتها ولا لأ؟
شكرا على الزيارة بس بجد كان يوم جميل
===================================
hard times
اول واحد اتعرفت بيه فى الحفلة وخلاص بقينا أصدقاء شكرا يا مصطفى على زيارتك وأتمنى أشوفك تانى
=================================
appy
والله وأنا كمان وألف مبروك على الخطوبة معرفتش إلا بعد اما قريت بوست فاتيما عن الحفلة
وربنا يتمم ليكم بخير وإن شاء الله ملحوقة أشوفك الحفلة الجاية
==================================
مها زين
والله حالو تادور عليكى وعلى كل المدونين اللى اعرفهم كتابة ولكن معرفتش من الزحمة مقابلتش إلا 20 مدون تقريبا بس والباقى تاهوا منى فى الزحمة
ويا ريت تنزلى الصور لأنى معرفتش أصور حاجة فى الزحمة دى
تحياتى لكم جميعا
جميل اوي الحوار ده يا ايمن وفيه عمق فلسفي رائع ..
يمكن الحوار ده فكرني بالجدل القديم الحديث هل الانسان مسير او مخير
تحياتي
محمد
شكرا يامحمد وبجد سعدت بالتعارف معك وقدرت اوصل الفكرة اللى فى دماغى عن طريق الحوار ده
تحياتى
يا سلام ..
بسم الله ما شاء الله
رغم ان النص قصير جدًا الا انه عجبني لدرجة اني نسخته في صفحة وورد لوحده وقريته مرة واتنين وتلاته
من اجمل ما قريت الاسبوع ده فعلا ان لم يكن الاجمل على الاطلاق
مش عارف ازود على كده ايه
بس بهنيك
كوارث
شكرا على الزيارة وسعدت جدا بتعليقك وإن شاء الله اكون عند حسن ظنك
تحياتى
استمتعت كثيرا بما قرأت رائع بكل ما تعنية الكلمة
تحياتي