مما شجعنى على كتابة هذا المقال فى هذا الوقت حملة د/ أحمد جمال (لغتى هويتى) للدفاع عن اللغة العربية من الغزو والتغريب الثقافى الذى يحدث لها الآن من الغرب ومن أهلها الذين برعوا أيما براعة فى اللغات الأجنبية وإذا قلت لهم اكتبوا جملة باللغة العربية تجدها مليئة بالأخطاء الإملائية والنحوية، فهذا المقال يوضح بعض مظاهر جمال لغتنا العربية.
طرائف فى الإعراب: والتى توهم قارئها بإعراب مختلف عن وجه إعرابها الصحيح وهى كالتالى:
-أتانا محمدٍ فى البيت-
عندما ترى التنوين بالكسر على كلمة (محمد) يجن جنونك وتقول أنها خطأ مطبعى على اعتبار أن (أتانا) فعل ماض من الفعل (أتى) ولكن لو علمت أن (الأتان) هى أنثى الحمار و(أتانا) المثنى منها فيصبح (محمد) مضاف إليه وعلامة جره الكسرة وحذفت نون المثنى من (أتان) للإضافة.
-أكلت ديكًا وديكًا-
للوهلة الأولى تظن أن (ديكًا) الثانية عطف على الأولى ولكن يتبين لك الخطأ عندما تعلم أن (وديكًا) تعنى سمينا أى نعت لـ(ديكًا) الأولى ومعنى الجملة (أكلت ديكًا سمينا).
-أنّ الطفل كريم-
وغيرها كثير من الأمثلة التى تبين مدى جمال هذه اللغة واصالتها وثرائها ويكفى أنها لغة القرآن الكريم
حلو قوي ماشاء الله
جزاك الله خيراً
بحب انا الحاجات اللي تبان للواحد حاجة و تطلع حاجة تانية
منتظرين المزيد
سلام عليك
الله ينور عليك
فكره حلوه والله
بس انا بكره النحو او مش ليا
بس فكره حلوه اتسمر فيها ربنا يعينك
انا عارفه اني مقصره بس والله غصب عني
النت هنا بعافيه شويتين اربعه
وكمان بساعد ابن عمي تالته ثانويه عامه
عشان كده مش عارفه اشترك
وكمان مش معايا اللينك
رحيل هتبعته ف اوف لاين
اوكي مش تقلق
سلام
هههههههههههههه
اهو ده الى مخلى امثالى يخدوا لقب حمار فى الاعراب
ههههههههههه
الحمدلله ان لغتنا محفوظة بالقران
وياريت بجد نمحى الأمية دى
عشان نحافظ على كيانا
تفضلوا بقبول فائق الاحترام وتاج الاحلام تم تمريره اليك وتيجى تستلمه فوراااا
بجد بوست لذيذ جدا
وانا بموت قى العاب اللغه والاعراب
والبوست كله حركات
ماشى
الفكرة هايلة وانا بحييكم عليها بجد
لاننا لازم يكون لينا دور ايجابى ف كل حاجة حوالينا
تحيااتى ليكوا بجد
وانا معاكو..
اكيد اللغه العربيه من اجمل اللغات في العالم , ويمكن اللغه العربيه اتكرمت بكون الدين الخاتم والقران الكريم نزل بلسانها...
انا طول عمري بحب اللغه العربيه نتيجة لحبي للادب بس بصراحة مكنتش متوافق اوي مع النحو ويمكن ده سبب عدم دخولي لقسم اللغه العربيه رغم ميولي الادبيه ,
انا اعتقد ان النحو الموجود في المناهج يحتاج لاعادة تبسيط خاصة لغير المعنين بدراسة اللغه العربيه بصوره اكثر تعمقا لاجل ان الاجيال القادمة تنشأ من الصغر في حب اللغه العربيه
تحياتي
محمد
:))
جميل اوى
طبعا اكثر لغات العالم ثراء وقوه بشهاده كل المتخصصين فى اللغات كمان
افخر انى احمل لسانا عربياً
جميل الموضوع جدا بجد:))
تحياتى
شيماء:)
ال بيحب لغته يتعلمها، مش سيقف لها من بعيد؛ و يسيبه من موضوع أن الله حافظها و الكلام ال ما لهش فايدة دا، لأن ببساطة ممكن جدا أن بعد شوية اللغة تنقرض و ما حدش يفهم القرآن و لا غيره.
و هنروح بعيد ليه، اطلب النهاردا من حد يقرا القرآن و شوف كم الأخطاء ال في قرايته، مع أن المصحف بالتشكيل الكامل يعني، و لو طلبت منه يشرح لك معنى ال قراه، فلو ما كانش حافظ كلمتين من درس حضره أو ما شابه فغالبا مش هيعرف.
انا ايام الجامعة كنت بحب اوى الحاجات دى و كان اوقات نعمل مسابقات بينا مين يقدر يعرب البيت ده او الجملة دى
بالغرم من ان البوست عن موضوع جاد لكن دمه خفيف :)
بالرغم *
استاذ ايمن ازيك دا اول تعليق ليا عندك فى المدونة .. بعد ماشفت تعليقات كتير ليك فى مدونات صديقة .. عجبتنى مدونتك ويارب تزور مدونتى ..
اما بالنسبة للبوست فانا طول عمرى ضعيفة فى النحو لكن حسى التذوقى فيه عالى اوى .. وهو دا اللى كان بينجحنى فيه بتفوق .. حلو انك تجيد اللغة العربية ولغات تانية تقدر تعبر بيها عن اللى جواك .. تحياتى .. دى اول زيارة بس ان شاء الله مش هاتكون الاخيرة سلام
الله
جميل طريقة حلوة اوي
هستنى تاني
تحياتي
جزاك الله خيرا
فعلا اشياء جميلة
تحياتى لك
يا رب ماتنسى تشرح دي
" طفلٌ وجا ريةً في بطن عصفور "
تقدم يا بن بدر
السلام عليكم
ازيك يا ايمن
انا برقش صاحب مدونة برقش
http://www.bar2ash.blogspot.com/
سمعت من زوزو عن موضوع التجمع ده
ورحت عندك ع الفيس بوك
انا ضفت ايميلك كمان يا ريت تحاول توصلتي وتفهمني اكتر قبل المعاد واشترك ازاي
تحياتي يا نجم
لم افهم المثال الاول
فما دخل انثى الحمار فى الحوار وما علاقتها بمحمد
ارجو التوضيح
انت عارف يا أيمن رغم إني كنت علمي رياضة و كنت بأعشق الرياضة جداً لكن معاها كنت بأعشق اللغة العربية و الفضل يرجع -بعد ربنا عزل وجل- لمدرس الثانوي خلاني ازاي استطعم اللغة العربية و مفرداتها الغريبة
لدرجة اني كنت بأجيب فيها الدرجات النهائية و خصوصا النحو كان لعبتي و كانوا صحابي لما بيقف قدامهم اعراب كانوا ييجولي (هيييييييه فكّرتني بالذي مضي)
و هو اللي خلاني ازاي أستطعم الشعر
بجد احنا في نعمة
يلا سلام
يا دماغك العالية
ايه الكلام الجامد ده
عصفور المدينة
شكرا يا أستاذى على الزيارة
=====================================
نعكشة
شكرا ان الموضوع عجبك يا نعكشة بس ايه الصورة دى مش تبقى تسرحيلها
تحياتى
=====================================
فاتيما
شكرا على الزيارة يا أم يوسف وشرفتينى
=====================================
ياسر حسين
فناننا الكبير
كلنا بنحب الفصحى كتابة وقراءة فقط موجة التغريب الثقافى التى تحدث لنا تمحو من اذهاننا أى فرصة لتعلمها وهدفهم من ذلك لا وجود للإسلام بدون قرآن ولا وجود للقرآن بدون اللغة التى هى وعاء له
ربنا ياخد اللى فى بالى
تحياتى
===================================
زوزو
لما نتقابل فى اللقاء هخليكى تحبيه بالعافية إن شاء الله
وعلى فكرة اللينك فى الشات بوكس
شكرا على الزيارة
==================================
بطوط حبوب
ليه يا عم تعالى وأنا اعطيك دروس فى النحو والإعراب عشان متبقاش لا مؤاخذة
شكرا على الزيارة يا حودة
==================================
نبع صافى
أنتى فين من زمان يللا جهزى نفسك للقاء وطبعا محو أميتنا يبدأ من عربيتنا
تحياتى
==================================
دودا هانم
شكرا اولا على الزيارة وثانيا على التاج اللى أصريت إلحاحا إنى آخده شكرا يا دودّا
==================================
دعاء مواجهات
شكرا يا دعاء جميل قوى إننا ندافع عن لغتنا ونحافظ عليها
شكرا على الزيارة
==================================
الفارس الملثم
عارف يامحمد إحنا كان بيدينا فى الترم الواحد أربع دكاترة نحو مفيش إلا واحد بيتكلم بطريقة تطبيقية فى النحو والباقى شاغلين نفسهم بالخناقات والاختلافات بين البصريين والكوفيين يعنى سايبين القواعد اللى ندرسها وشاغلين نفسهم بالحاجات دى
فعلا التعليم عندنا عاوز حرقة بجاز
سلام
===================================
همسات دافئة
طبعا يا شيمء نفتخر كلنا بلساننا العربى وإننا مسلمون
ملحوظة ابقى متغيبيش عننا كتير مستنيين الجديد عندك
تحياتى
==================================
ألف
على رأيك مش هنقول القرآن لو جبت له جملة يكتبها وفيها همزات شوف بقى المهازل قطع يبقى وصل كسر يبقى فتح
احنا محتاجين وقفة فى الموضوع ده شكرا على الزيارة الأولى
==================================
قوس قزح
شكرا ليكى يا داليا على الإطراء والزيارة ويا رب دايما نحافظ على لغتنا ونهتم بيها
==================================
أيار
أولا بلاش أستاذ دى انتى كده بتكبرينى
ثانيا: طبعا هزور مدونتك مش عشان التعليق عشان فيها موضوعات كويسة وانا شفتها من زمان بس الوقت والزهايمر بعيد عنك بهدلوا الواحد
شكرا على الزيارة
==================================
نونو
شكرا على الزيارة وفكرتينى غنى اغير اسمى اخليه باللغة العربية
شكرا
==================================
رئيسة حزب الأحلام
شكرا يا ريسة أنتى أجمل
==================================
الأتربى اللولبى
شكرا يا باشا على الإضاة انا ناسيها والله هضيفها فى تحديث إن شاء الله
شكرا يا حامد
==================================
برقش
شكرا على الزيارة وإن شاء الله هضيفك النهاردة وابعتلك اللينك بالتفاصيل ولو اون لاين هكلمك وافهمك اكتر
وهزور المدونة طبعا
تحياتى
==================================
موناليزا
اللى يقرأ الجملة اول مرة يظن ان
(أتانا) فعل ماض والنا ضمير ومحمد فاعل ولكن الصحيح أن الجملة تبقى (أتانان محمدٍ فى البيت) وحذفت نون المثنى للإضافة
فهمتينى
==================================
نيجرو
محمد حبيب قلبى طبعا احنا فى نعمة مش حاسين بيها ولازم نحس بيها دلوقتى قبل ما تضيع
شكرا على الزيارة
نهى العربى
انتى اجمل والله وشكرا على تعليقك
سلام
تعرف انى استفدت جدا جدا منك
بجد ياريت مش تبخل علينا بدروس زى دى
انا فعلا امنية حياتى انى اتعلم النحو والصرف والاعراب بشكل سهل وميسر
فلو عندك القدرة بجد ياريت متبخلش علينا
وجزاك الله عنا كل خير
سلامى
موضوع حلو جداااااااا ودمه خفيف
ياريت تبحث عن حاجات اخري مثل هذا
تحياتي
ايه الاخبار طمنى
ربنا معاك
انا انشاء الله هدى فكرة عنها للناس على بكرة انشاء الله
تحياتى لك
اكلت ديكا وديكا ... فتحت نفسي بشكل عميقا
تحياتي ليك يا صاحبي
حلو البوست ده
وبالذات ديكا وديكا
لغتنا من اصعب واجمل اللغات
المفروض يكون لينا الفخر اننا بنجيد اللغة
انا بحب اوي اللغة العربية
واحب اشارك في الحملة دي
لكن النظرية اني سعات احب اتكلم بالعامية المنيلة دي
سعات بشعر اني اتكلم بنفس الطريقة الي بنتكلم بيها عادي
عارف
مرة شفت واحد ملتحي بيقول لمراته وكانوا اعدين ورايا في الميكروباص
بيلومها انها بتقوله حاجة بالعامية
أخذت ميناك نقود
قالها
اسمها اخذت منك
ولا اخذت ميناك
قلت في سر بالى
هو في ايه متحبكهاش يا راجل انت
سيب المدام تاخد راحتها
بس بجد
هو صح
هو بيحاول يحافظ علي الصح
اللي المفروض نتكلم بيه
بس عادي بقه
تحياتي للبوست الهادف ده
اه المشكلة التانية في مدونة اقلع همومك نزلت يا ريت تدخل تشارك في حل المشكلة
نريد متطوعون لإنجاح فكرة المدونة
ومن يجد في نفسه حب الخير فليتفضل
elkhatbah60@yahoo.com
فكرتنى بالذى مضى
وأنا فى ثانوى كنت بالعب بالجمل بنفس الطريقة كده
ومرة فى مفتش قاللى اعرب محمد كريم
فأعربتها زى ما نت كاتب كده فالراجل ذهل وادانى 5 جنيه كانوا ساعتها ليهم لازمة
بصبح على العرضحالجية كلهم
عمو عرضحالجي
ازيك ليك وحشة والله
معلش انا عارف اني مقصر معاك جامد بس غصب عني والله اكيد انت مقدر الظروف
شكراً ليك يا جميل علي مرورك وكلاماتك الجميلة
بس ايه الشغل الجامد دة ايوا كدة ياعم هما دول اهل اللغة ورينا كمان وكمان اديلة مترحمووووووووش ههههههه
تحياتي لك
عيلة مفترية سابقا
إن شاء الله فيه دروس هنزلها مسلسلة على المدونة فى النحو بطريقة مبسطة عشان الناس تستفيد
أسعدتنى زيارتك وأتمنى المتابعة
===================================
كوشيا
ببحث دايما وإن شاء الله فيه حاجات احلى
تحياتى
===================================
رئيسة حزب الأحلام
انا كلمتك امبارح بس مش عارف كان فيه مشكلة ان شاء الله هكلمك النهاردة نتفق على الخطوط العريضة للفكرة
تحياتى
===================================
مصطفى ريان
شكرا يا مصطفى على الزيارة بس ليه عتاب أنت كاتب فى تعليقك بشكل عميقا لا يصح عميقا والصواب عميقِ
تحياتى ومستنيك دايما
==================================
جميل قوى الموقف ده يا مها بس هتلاقى الناس سخرت منه ومن كلامه فاكرين انهم هما اللى صح
شكرا على الزيارة وتشرفينى دايما
وهدخل إن شاء الله عشان أشوف المشكلة التانية
سلام
==================================
خاطبة المدونات
فكرة جميلة جدا وأشجعها فى ظل الظروف اللى احنا فيها لا شباب ارف يتجوز ولا بنات
تحياتى على الفكرة
==================================
فانكى دكتور
أحلى صباح لأحلى دكتور انا عاوز نصيبى فى الخمسة جنيه
على فكرة انا ضفت ايميلك لو مكانش يضايقك عشان اسهل التواصل
تحياتى لك
=================================
هارد تايمز
مصطفى حبيب قلبى معلش أنا عارف إن أنا اللى مقصر بس اعذرنى
شكرا يا باشا ومتخافش هديلهم مش هرحمهم
سلام
شكرا ليكم كلكم وشجعتونى على الكتابة أكتر واتمنى المتابعة
انا عايز اقولك ان اخر جمله اللي هي (أن الطفل كريم) كنت اعرفها من وانا في ابتدائي ومش تنطيط لا ده اخواتي قالوهالي وانا كنت عيل ولسه واخد نحو بقى وعامل نفسي فونط .. ولما وصلت اعدادي وقلتها للمدرس فضل بتاع ربع ساعه مش مجمع
ادي المدرسين اللي بيعلمو النشأ ياعمنا
هم نفسهم عايزين اللي يعلمهم
وانت ازيك كده؟؟
سلاموووووووووز
سووو باشا عندى يا مراحب يا مراحب - جمع مرحبا-
فعلا إحنا لازم نعلم الاول المعلمين بعد كده نعلم المتعلمين
وعلى فكرة هو ده الخلل اللى المفروض يتصلح فى نظامنا التعليمى المبجل
وانت اخبارك ايه؟
انت هتحضر لقاء المدونين اللى فى اسكندرية اللى منظمه الصباغ ولا ايه عشان اوز اشوفك
سلام
اخى الحبيب
بارك الله فيك وفى مدونتك وبوستك الرائع
الذى استفد منة جدا
تقبل تحياتى وشكرى
وشكرا على حملتكم الرائعة
ما اظنش
ههههههههههههههههههههههههههههه
النت عندي وحش اوي ربنا يسهل
بقي زهقت والله
الدنيا من غيره ممله انا عند صحبتي والله
بجد بوست جميل واحييك عليه
اللغه العربية ثرية وقوية
وياريت الواحد يقدر يستخدمها فى كل نواحى حياته
تحياتى لك
دخلت عشان لقيتك بلدياتى
بس لما دخلت وبما انى بقيت مدرسة لغة عربية اخيرا وبما انى بعشق اللغة دى بصراحة المدونة جت على هوايا
جهد مشكور ولو انه هو وغيره شوية اوى ع اللغة دى
انها لغة الله
تحياتى
أيمن بيه ..
كيف حالك يا رجل ؟؟
(فصحى كدة على ما قسم ) ..
عجبني الموضوع ده طبعاً ..وأنت عارف كويس هو عجبني ليه !!
موضوع اللغة ده بالذات عامل لي كالو في زوري ودمل في جمجمتي من كتر ما بيزعلني ..
..
يا أخي أنا أعرف ناس بيتكسفوا اوي لو كتبوا كلمة انجليزي ناقصة حرف ..
بيعتذروا : سوري ، مش قصدي والله .. وحركات قرعة كدة ..
ويجيوا عند اللغة العربي .. واتفرج يا مؤمن على الدبش اللي في كلامهم ..
بسميها أنا (التلوث اللغوي) ..
حاجة تفقع يا أخي ..
يووووووووووووووووووه
تصدق أنا اتعصبت ؟؟
طب وحياة غلاوتك عندي يا أيمن لكون عامل موضوع كامل عن اللغة ..
عشان خاطرك أنت بس ..
وربنا يستر عليا ..
تحياتي يا عزيزي ..
طارق الغنام
شكرا يا باشا على الزيارة وياريت افضل دايما عند حسن ظنك
تحياتى
=========
زوزو
شكرا على التعليق بس النت وحش أو حلو هتيجى هتيجى
تحياتى
=========
اهو ده عيبه
شرفتينى يا داليا اكيد اللغة افضل من كل الكلام اللى بقوله عنها
نورتينى ومتتأخريش علينا
=========
عين ضيقة
شكرا ليكى على الزيارة الأولى وبلدياتى كمان يا مراحب
اكيد مهما قلنا الكلام مش هيكفى شرفتينى
=========
عرين الغضب
ازيك ياوائل عامل ايه
فعلا مبنغفرش لأنفسنا لما نغلط فى أى لغة لكن نيجى عند اللغة العربية ونعك الدنيا وتلاقى الغلط بالكوم
وان شاء الله هتابع موضوعاتك فى اللغة العربية
تحياتى
تسلم ايديك
بس انا كنت فى التحدث فى اللغه العربيه
اعمل ايه بقى
السلام عليكم
ايه الاخبار
انا مش عارفة اكتب فى المدونه كل مااكتب الاقى بيقول عطل
مش عارفة اعمل ايه
الف تحيه لك
هو النت ماله ومال اني اجي
اقصد اني مش عارفه انزل بوستات جديده
ههههههههههههههههه
بس الحمد لله رجع
هيييييييييييييييه
لسه هنزل بقي بس شويه كده
اه طبعا هاجي
لاني منتظره اليوم ده بجد
بس ياريت نقدر نعمل حاجه بجد
وننفع بيها دينا و اصحابنا
وكل الناس
لالالا ممكن تدينى كورس عربى فى النحو لحسن اختك بقيت ميح تصدق بالله يا ايمن من وانا طفله لحد ثانويه عامه اكبر درجه نقصتها فى العربى كانت نص درجه وساعات كتير كنت بجيب النهائيه حاليا انا بقيت بفهم فى العربى زى ما بفهم فى الهندى بالتمام
تحياتى ليك سومه_87
يا سلاااااااااااام يا راجل يا طيب ...
عارف رغم حبي للغة العربية .. بس مجربتش من يوم ما سيبت المدرسة اقرا لغويات .. بعتبر ان سليقتي متظبة وعلى كدة ..
تسلم ايدك .
اللى عنده اى كتاب قرأه او عجبه فى اى جزئيه يرسلها عن طريق الايميل اى قصيدة
شعريه اى حاجة قرأتها وعجبتك ارسلها وأكتب اسم الكتاب واسم المؤلف
وتعالى ظبط المدونه الموضوع نزل اكتر من مرة
تحياتى لك
آبى
شكرا يا آبى على الزيارة وأتمنى اكون عند حسن الظن
====================================
رئيسة حزب الأحلام
انا خلاص دخلت وظبطتها وحطيت بانر فيها
تحياتى
=====================================
زوزو
يا رب يا زوزو وإن شاء الله يكون لقاء مفيد لينا كلنا
====================================
مجنونة فى بلد عاقل
انا جاهز يا سومة يللا استعدى لاول درس:
سرق حرق نهب نصب
دى الأفعال العربية مبدئيا والباقى لما تدفعى فلوس الحصة
تحياتى
===================================
كويس يا محمد إنها متظبطة وإلا كنا هنلاقى بلاوى
بس لازم بجانب الموهبة لازم تدريب ودراسة عشان يحافظ علي الموهبة
تحيات
فعلاً لغة جميلة و رائعة لليتأمل فيها ويقدرها
وبحزن بشكل فظيييييييييع اللي يقولك عليها دي معقدة دي صعبة دي منيلة بنيلة
مايعرفوش ان صعوبتها دي من كتر ما هى لغة جميلة وعميقة وقيمة
تعرف كنت تلميذة شاطرة جداً فالعربي لحد ثانوية عامة افتكر كنت ناقصة درجة ونصف فيها
لكن للاسف بعد الجامعة ودراسة اللغات ابتديت انساها شوية واتلخبط فالاعراب ودي حاجة مضيقاني جااااااامد
بس بحاول احلها بأني أعتمد على التجويد فالقران اني أعرب الكلمة عشان أمرن نفسي على الاعراب ومش أنساه
والله يا ايمن لو الناس قربت من القران واتعمقت فيه هيحسن اللغة عندهم كتير حتى لو كانو ميعرفوش حاجة عنه
هتلائي حتى ثقافتهم بئت اعلى في اللغة ودي عن تجربة من اشخاص معايا فالمقرءه
تحياتي لأهتمامك بلغتك وعلى امثلتك الجميلة يمكن كتييييييير ميعرفوهاش
لكن انا الحمدلله كان ربنا رازقني باستاذ فاضل لمدة 6سنوات بنتراهن انا وهو فالاعراب والمجئ بغرائب اللغة
انا بعتبره له فضل كبير عليا فحكاية العربي دي ياريت كل المدرسين زيه ويحببوا الطلبه في اللغة العربية
واسفه للاطاله
السلام عليكم
أخي الكريم أخبارك ايه ؟؟
جميل أوي كلامك وماشاء الله فيه افادة كبيرة
ربنا يوفقك دايماً للخير
ويردنا الي لغة القران واللسان العربي مردا جميلا
تقبل ودي وتقديري
تحياتي ليكي وخالص شكري لمرورك ودعمك وتشجيعك وكلماتك المتميزة
بالتوفيق...................
دعائك يوصل بإذن الله
حبيت اسلم سلاام اخير
لا اله الا الله
نورة الخشن
شكرا يا نورا على الزيارة وكلامك الجميل ده وعلى فكرة انتى اللى كلامك احلى وفكرة حولة انك بتعربى وانتى بتقرى القرآن ده اسلوب صح لتعلم الاعراب وأكاد أجزم غن لو الواحد مننا قرأ إعراب القرآن مش هتقف عليه أى جملة فى إعرابها
ومفيش إطالة ولا حاجة
نورتى المدونة وشرفتينى بالزيارة
=====================================
احمد غنيم
على ايه يا دكتور ده اقل واجب وانا مبجاملش لكن لما الاقى كلام حلو للزم اشجعه واقول رأيى فيه بصراحة
شكرا على الزيارة
==================================
دعاء مواجهات
ربنا يتقبل منك العمرة يا دعاء
محمد رسول الله
تحياتى
يها المواطنون نذيع عليكم بعد قليل خبرا هاما
مارشات عسكريه مارشات عسكريه مارشات عسكريه
كمان مارشات عسكريه
كفايه كده
ايها المواطنون جاءنا البيان الهام التالى
اذاعت كافة وكالات الأنباء الفضائيه والأرضيه وما تحت الأرض ايضا ان السيد عبده الرايق مرشح للفوز بجائزه تقدر بربع مليون يورو ....متتخدوش اوى كده لأن من شروط الجائزه ان يجيب على سؤال بمدونتنا التى تحوى هى وموقعنا كافة التفاصيل والكل مدعو للأشتراك والفوز باحدى جوائزنا الثيمه
ونرجوا ان تستمعوا الى حلقة برنامجنا الأذاعى الذى به ايضا معلومات مثيره فى هذا الموضوع يوم الأحد 29-6 حيث نكشف كافة الأسرار وراء هذا الموضوع والبرنامج يذاع التاسعه وعشر دقائق صباحا على اذاعة مصر الرئيسيه كما يمكن الأستماع اليه من داخل موقعنا على النت اسرة برنامج انت تسال والكمبيوتر يجيب
والعنواين
المدونه ثم الموقع كالتالى
http://netonradio.blogspot.com
7:52
صباح الفل يا أيمن
جميلة جميلة بجد
خصوصاً بتاعة الديك الوديك كانت جديدة بالنسبة لي
على الله الناس يسمعوا الكلام ويعرفوا ان العربي ده كنز
اتفلوا شوفوا الجهل بعينكم
http://scandal--blogger.blogspot.com
عصفورى الحبيب كى جى ون بتنادى عليك
لغه دى بجد بحورها عميقه
وإجازها ظلم ليها
ويكفيها انها لغة القرآن الكريم كتاب الله عزوجل
مع خالص تحياتى
عذرا اريد ان افهم هذه الجملة
اريد مرادفها
مروة جمعة
صباح الفل يا مروة اللغة العربية فعلا كنز بس محدش بيقدره
شكرا على الزيارة
===================================
تمر حنة
أكيد تكريمها كلغة القرآن لا يجاوزه شرف آخر وتكريم غيره
تحياتى
===================================
موناليزا
أتان: فى اللغة بمعنى أنثى الحمار فلو جبنا منها المثنى تصبح (أتانان)
فلو عاوزين نقول: الحمارين بتوع محمد فى البيت يبقى نقول ايه
أتانا محمدٍ فى البيت
ويبقى محمد مضاف إليه
وأتانا مبتدأ وحذفت نونه للإضافة لأنه مثنى يرفع بحذف النون
تمام كده بالتفصيل اهه
تحياتى ليكى ولسؤالك
اشكرك جدا لهذا التوضيح
ياعمنا انا رحت سنكريه ولا شفتكش
ولا اكون شفتك وماخدتش بالي؟؟؟
سلامووووووووز
أجمل لغة بالكون
يا ريتنا نحبها و نتذوقها و نحترمها و نتعلمها اكتر من كده و نعرف نعلمها صح و نحبب فيها ولادنا و الاهم نحس بكل حرف من نور بالمصحف الشريف
خالص احترامى لك اخى الفاضل و اتمنى المزيد عن لغتنا الجميلة
اصدقائى الأعزاء المدونين والمدونات
غدا الخميس 3/7 يتم اذاعه الحلقة التانية من اجابات سؤال الإختراعات
فى برنامجنا الإذاعى
أنت تسأل والكمبيوتر يجيب
والذى يذاع يومياً الساعه 9.10 صباحا على إذاعة البرنامج العام ما عدا يوم الجمعة
وسيتم اذاعه اجابات كل من
عيله مفتريه سابقا
قطة الصحراء انا بلا فشر
ايمن بدر
نونو
سحر غريب
الجده فصيحه
الطير الحزين
هانى ميشيل
الحشرى
تمنياتنا بدوام التواصل
موناليزا
اى خدمة وافتكرى الجمايل دى
=====================================
سووو حبيب قلبى
يومها جالى دور سخونية وبرد مقدرتش اقوم من السرير والله المرة الجاية تتعوض وان شاء الله لما اخلص امتحانات هجيلك القاهرة فى اقرب فرصة
شكرا على السؤال
=====================================
منة الله
المصممة الجاهينية الجميلة
شكرا على الزيارة وشكرا على الاطراء ومستنيكى دايما
==================================
قطة الصحراء
شكرا على التنبيه وعلى اذاعة التعليق
انتى عاملة ايه؟
تحياتى
الف حمد الله على السلامه
دة اولا
ولا يهمك المهم الامتحانات وربنا معاك
ونشوفك جايب أعلى التقديرات
واخواتى بيسلموا عليك
تحياتى لك
أيمن
تحياتى لاهتمامك يالإشارة لحملة الدكتور أحمد جمال وبجد عجبتنى فكرة البوست جدا
بس يا ترى دى طرائف فى الإعراب
وألا مقالب فى الإعراب؟؟
جزاك الله خيرا
لغتنا شديدة الجمال و القوة
ولا أدل على تميزها من اصطفائها بالقران الكريم
لا اخفي عليك ياعزيزي ان المثال الاول الذي ذكرته استطعت ان تخدعني به
لكن هذا لم يحدث في المثال الثاني و الثالث
اذا فالنتيجه 2/1 لصالحي
مما يترتب عليه عدد واحد كبير عصير عصب هاتعزمني عليه
خالص تحياتي
رحت فييييين ؟؟؟
و فين جديييييدك ....
الموضوع حلو اوى و ربنا يوفقك
إزيك يا عم أيمن
فينك ؟؟؟؟؟؟؟؟؟؟؟؟؟
أدخل اقرأ الإعلان اللي عندي في المدونة
ضرووووووووووري
سلام عليكم